ಏಕದಿನ, ಟಿ20 ವಿಶ್ವಕಪ್ ಹಾಗೂ ಐಪಿಎಲ್, ಮೂರು ಪ್ರಶಸ್ತಿ ಗೆದ್ದ ಭಾರತೀಯರು ಯಾರು?

ಜೈ ಶೇಗುಣಸಿ ಸುದ್ದಿ..


ಏಕದಿನ ವಿಶ್ವಕಪ್, ಟಿ20 ವಿಶ್ವಕಪ್ ಹಾಗೂ ಐಪಿಎಲ್ ಟೂರ್ನಿ ಈ ಮೂರು ಕ್ರಿಕೆಟ್ ಸರಣಿಗಳು ಅತ್ಯಂತ ಮಹತ್ವ ಹಾಗೂ ವಿಶೇಷ. ಪ್ರತಿ ತಂಡಕ್ಕೂ, ಪ್ರತಿ ಕ್ರಿಕೆಟ್ ಆಟಗಾರ ವಿಶ್ವಕಪ್ ಹಾಗೂ ಐಪಿಎಲ್ ಗೆಲ್ಲಲು ಶತಾಯಗತಾಯ ಪ್ರಯತ್ನಿಸುತ್ತಾರೆ. ಆದರೆ ಎಲ್ಲರಿಗೆ ಅದೃಷ್ಠ ಒಲಿಯುವುದಿಲ್ಲ. ಆದರೆ ಈ ಮೂರು ಪ್ರಶಸ್ತಿ ಗೆಲ್ಲುವಲ್ಲಿ ಕೆಲ ಭಾರತೀಯ ಕ್ರಿಕೆಟಿಗರು ಯಶಸ್ವಿಯಾಗಿದ್ದಾರೆ.

 ಎಂ ಎಸ್ ಧೋನಿ
ವಿಶ್ವ ಕ್ರಿಕೆಟ್‌ನ ಅತ್ಯಂತ ಯಶಸ್ವಿ ನಾಯಕ ಹಾಗೂ ಕ್ರಿಕೆಟಿಗ ಎಂ ಎಸ್ ಧೋನಿ. 2007ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಪ್ರಶಸ್ತಿ ಗೆದ್ದು ದಾಖಲೆ ಬರೆದ ಧೋನಿ, 2011ರಲ್ಲಿ ಏಕದಿನ ವಿಶ್ವಕಪ್ ಗೆದ್ದು ಇತಿಹಾಸ ನಿರ್ಮಿಸಿದರು. ಇನ್ನು ಐಪಿಎಲ್ ಟೂರ್ನಿಯಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡವನ್ನ ಮುನ್ನಡೆಸಿದ ಧೋನಿ 2010,2011 ಹಾಗೂ 2018ರಲ್ಲಿ ಮೂರು ಬಾರಿ ಟ್ರೋಫಿ ಗೆಲ್ಲಿಸಿಕೊಟ್ಟಿದ್ದಾರೆ.

ಯುವರಾಜ್ ಸಿಂಗ್
ಟೀಂ ಇಂಡಿಯಾದ ಐತಿಹಾಸಿಕ ಗೆಲುವಿನಲ್ಲಿ ಯುವರಾಜ್ ಸಿಂಗ್ ಪಾತ್ರ ಪ್ರಮುಖವಾಗಿದೆ. 2007ರ ಟಿ20 ವಿಶ್ವಕಪ್ ಟೂರ್ನಿಯಲ್ಲಿ ಅಬ್ಬರಿಸಿದ ಯುವಿ, ಚೊಚ್ಚಲ ಟಿ20 ಟ್ರೋಫಿ ಗೆಲ್ಲುವಲ್ಲಿ ಪ್ರಮುಖ ಪಾತ್ರವಹಿಸಿದ್ದರು. ಇನ್ನು 2011ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಸರಣಿ ಶ್ರೇಷ್ಠ ಪ್ರಶಸ್ತಿ ಪಡೆದ ಯುವರಾಜ್ ಸಿಂಗ್, ಏಕದಿನ ವಿಶ್ವಕಪ್ ಗೆದ್ದುು ಸಂಭ್ರಮಿಸಿದರು. 2016ರ ಐಪಿಎಲ್ ಟೂರ್ನಿಯಲ್ಲಿ ಸನ್ ರೈಸರ್ಸ್ ಹೈದರಾಬಾದ್ ಪರ ಕಣಕ್ಕಿಳಿದ ಯುವಿ, ಐಪಿಎಲ್ ಟ್ರೋಫಿಗೂ ಮುತ್ತಿಕ್ಕಿದರು.

ಹರ್ಭಜನ್ ಸಿಂಗ್
ಟೀಂ ಇಂಡಿಯಾ ಟರ್ಬನೇಟರ್ ಹರ್ಭಜನ್ ಸಿಂಗ್ ಸದ್ಯ ತಂಡದಿಂದ ಹೊರಗುಳಿದಿದ್ದಾರೆ. ಆದರೆ 2007ರ ಟಿ20 ವಿಶ್ವಕಪ್ ಹಾಗೂ 2011ರ ಏಕದಿನ ವಿಶ್ವಕಪ್ ಟೂರ್ನಿಯಲ್ಲಿ ಹರ್ಭಜನ್ ಸಿಂಗ್ ಭಾರತದ ಕೀ ಪ್ಲೇಯರ್ ಆಗಿದ್ದರು. ಟಿ20 ಹಾಗೂ ಏಕದಿನ ವಿಶ್ವಕಪ್ ಗೆಲುವಿನ ಸಿಹಿ ಕಂಡಿದ್ದಾರೆ. ಇನ್ನು ಐಪಿಎಲ್ ಟೂರ್ನಿಯಲ್ಲಿ 4 ಪ್ರಶಸ್ತಿ ಗೆಲುವಿನಲ್ಲಿ ಹರ್ಭಜನ್ ಭಾಗಿಯಾಗಿದ್ದಾರೆ. 2013,2015,2017 ರಲ್ಲಿ ಮುಂಬೈ ಇಂಡಿಯನ್ಸ್ ತಂಡದ ಭಾಗವಾಗಿದ್ದ ಭಜ್ಜಿ ಐಪಿಎಲ್ ಟ್ರೋಫಿ ಎತ್ತಿಹಿಡಿದಿದ್ದರು. 2018ರಲ್ಲಿ ಚೆನ್ನೈ ಸೂಪರ್ ಕಿಂಗ್ಸ್ ತಂಡದ ಪರ ಕಣಕ್ಕಿಳಿದ ಹರ್ಭಜನ್ ಟ್ರೋಫಿ ಗೆದ್ದು ಸಂಭ್ರಮಿಸಿದ್ದಾರೆ.

ಯೂಸುಫ್ ಪಠಾಣ್
ಸಹೋದರ ಇರ್ಫಾನ್ ಪಠಾಣ್‌ನಿಂದ ಮುಖ್ಯವಾಹಿನಿಗೆ ಬಂದ ಯೂಸುಫ್ ಪಠಾಣ್, ಸ್ಫೋಟಕ ಬ್ಯಾಟಿಂಗ್ ಮೂಲಕ ಜನಪ್ರೀಯರಾದರು. ಇಷ್ಟೇ ಅಲ್ಲ ವಿಶ್ವಕಪ್‌ನಲ್ಲಿಇರ್ಫಾನ್‌ಗಿಂತ ಯೂಸುಫ್ ಸಾಧನೆಯೇ ಹೆಚ್ಚು. 2007ರ ಟಿ20 ವಿಶ್ವಕಪ್, 2011ರ ಏಕದಿನ ವಿಶ್ವಕಪ್ ಹಾಗೂ 2008 ಐಪಿಎಲ್ ಟೂರ್ನಿಯಲ್ಲಿ ರಾಜಸ್ಥಾನ ರಾಯಲ್ಸ್ ಗೆಲುವಿನಲ್ಲಿ ಯೂಸುಫ್ ಪ್ರಮುಖ ಪಾತ್ರ ನಿರ್ವಹಿಸಿದ್ದರು.

ಗೌತಮ್ ಗಂಭೀರ್
ಟೀಂ ಇಂಡಿಯಾ ಡ್ಯಾಶಿಂಗ್ ಒಪನರ್ ಗೌತಮ್ ಗಂಭೀರ್, 2007ರ ಟಿ20 ಹಾಗೂ 2011ರ ವಿಶ್ವಕಪ್ ಗೆಲುವಿನ ತಂಡದ ಪ್ರಮುಖ ಸದಸ್ಯರಾಗಿದ್ದರು.  2011ರ ವಿಶ್ವಕಪ್ ಫೈನಲ್ ಪಂದ್ಯದಲ್ಲಿ 97 ರನ್ ಸಿಡಿಸಿ ಗೆಲುವಿಗೆ ಕಾರಣರಾಗಿದ್ದರು. ಇನ್ನು ಐಪಿಎಲ್ ಟೂರ್ನಿಯಲ್ಲಿ ಕೋಲ್ಕತ್ತಾ  ನೈಟ್ ರೈಡರ್ಸ್ ತಂಡದ ನಾಯಕನಾಗಿ 2012 ಹಾಗೂ 2014ರಲ್ಲಿ ಟ್ರೋಫಿ ಗೆದ್ದಿದ್ದಾರೆ.

ಪಿಯೂಷ್ ಚಾವ್ಲಾ
17ನೇ ವಯಸ್ಸಿಗೆ ಟೀಂ ಇಂಡಿಯಾಗೆ ಕಾಲಿಟ್ಟ ಪಿಯೂಷ್ ಚಾವ್ಲ, 2007 ರ ಟಿ20 ವಿಶ್ವಕಪ್ ಹಾಗೂ 2011ರ ಏಕದಿನ ವಿಶ್ವಕಪ್ ಗೆಲುವಿನ ತಂಡದ ಸದಸ್ಯರಾಗಿದ್ದರು. 2014ರ ಐಪಿಎಲ್ ಟೂರ್ನಿಯಲ್ಲಿ ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡದ ಪ್ರಶಸ್ತಿ ಗೆಲುವಿನಲ್ಲಿ ಚಾವ್ಲ ಮೋಡಿ ಮಾಡಿದ್ದರು.

Comments

Post a Comment

Popular posts from this blog

ಗೂಗಲ್ ಪ್ಲೇ-ಸ್ಟೋರ್‌ನಿಂದ ಕಿಂಬೋ ಕಣ್ಮರೆ; ವೆಬ್‌ಸೈಟ್ ಢಮಾರ್!

Image
"ಜೈ ಶೇಗುಣಸಿ" ಸುದ್ದಿ.. ಹೊಸದಿಲ್ಲಿ: ಜನಪ್ರಿಯ ಮೆಸೆಜೀಂಗ್ ಫ್ಲ್ಯಾಟ್‌ಫಾರ್ಮ್ ವಾಟ್ಸಪ್‌ಗೆ ಪ್ರತಿಸ್ಪರ್ಧಿಯಾಗಿ ಗುರುತಿಸಿರುವ 'ಕಿಂಬೋ' ಸ್ವದೇಶಿ ಆ್ಯಪ್ ಬಿಡುಗಡೆಯಾದ ಒಂದು ದಿನದೊಳಗೆ ಕಣ್ಮರೆಯಾಗಿದೆ.  ಕಳೆದ ದಿನ ಯೋಗಗುರು ಬಾಬಾ ರಾಮ್‌ದೇವ್ ಅವರ ಒಡೆತನದ ಪತಂಜಲಿ ಸಂಸ್ಥೆಯು ಅತಿ ನೂತನ ಕಿಂಬೋ ಸ್ವದೇಶಿ ಮೆಸೇಜಿಂಗ್ ಸೇವೆಯನ್ನು ಆರಂಭಿಸಿತ್ತು. ಆದರೆ ಕಿಂಬೋ ಬಿಡುಗಡೆಯಾಗಿರುವ 24 ತಾಸಿನೊಳಗೆ ಗೂಗಲ್ ಪ್ಲೇ-ಸ್ಟೋರ್‌ನಿಂದ ಕಣ್ಮರೆಯಾಗಿದೆ. ಇದರಿಂದ ಬಳಕೆದಾರರು ತಬ್ಬಿಬ್ಬಾಗಿದ್ದಾರೆ.  ಗೂಗಲ್ ಪ್ಲೇ ಸ್ಟೋರ್‌ನಲ್ಲಿ ಕಿಂಬೋ ಸರ್ಚ್ ಮಾಡಿದರೆ "ಕ್ಷಮಿಸಿ, ವಿನಂತಿಸಿರುವ URL ಈ ಸರ್ವರ್‌ನಲ್ಲಿ ಕಂಡುಬಂದಿಲ್ಲ" ಎಂಬ ಸಂದೇಶ ಕಂಡುಬರುತ್ತಿದೆ. ಇನ್ನೊಂದೆಡೆ ಭಾರಿ ಟ್ರಾಫಿಕ್‌ ಹರಿವನ್ನು ತಡೆಯಲಾಗದೆ ಕಿಂಬೋ ಅಧಿಕೃತ ವೆಬ್‌ಸೈಟ್ ಸಹ ಕ್ರಾಶ್ ಆಗಿದೆ. 
Read more

ಸಿಂಗಾಪುರದಲ್ಲಿ ಭಾರತೀಯ ಹಣ ಪಾವತಿ ಆ್ಯಪ್‌ಗಳ ಬಿಡುಗಡೆ...

Image
"ಜೈ ಶೇಗುಣಸಿ" ಸುದ್ದಿ.. ಸಿಂಗಾಪುರ:  ಭಾರತ ಪ್ರಧಾನಿ  ನರೇಂದ್ರ ಮೋದಿ  ಅವರು ಸಿಂಗಾಪುರದಲ್ಲಿ ಗುರುವಾರ ಹಣ ಪಾವತಿಗೆ ಸಂಬಂಧಿಸಿದ ಮೂರು ಭಾರತೀಯ ಮೊಬೈಲ್‌ ಆ್ಯಪ್‌ಗಳನ್ನು ಬಿಡುಗಡೆಗೊಳಿಸಿದರು.  'ಉದ್ಯಮ, ಆವಿಷ್ಕಾರ ಮತ್ತು ಸಮುದಾಯ' ಕುರಿತ ಸಮಾವೇಶದಲ್ಲಿ ಭಾಗವಹಿಸಿ ಪ್ರಧಾನಿ ಮೋದಿ ಅವರು ಭಾರತದ 'ಭೀಮ್‌', 'ರೂಪೇ' ಮತ್ತು ಎಸ್‌ಬಿಐ ಆ್ಯಪ್‌ಗಳನ್ನು ಬಿಡುಗಡೆಗೊಳಿಸಿದರು. ರುಪೇ ಡಿಜಿಟಲ್‌ ಪಾವತಿ ವ್ಯವಸ್ಥೆಯನ್ನು ಸಿಂಗಾಪುರದ ಎಲೆಕ್ಟ್ರಾನಿಕ್‌ ವರ್ಗಾವಣೆ ನೆಟ್‌ವರ್ಕ್‌ (ಎನ್‌ಇಟಿಎಸ್‌) ಜತೆಗೆ ಸಂಪರ್ಕ ಕಲ್ಪಿಸಲಾಗಿದೆ. ಇದರಿಂದ ರುಪೇ ಬಳಕೆದಾರರು ಸಿಂಗಾಪುರದ ಎಲ್ಲ ಎನ್‌ಇಟಿಎಸ್‌ ಸ್ವೀಕಾರ ಕೇಂದ್ರಗಳಲ್ಲಿ ಪಾವತಿ ಮಾಡಲು ಸಾಧ್ಯವಾಗುತ್ತದೆ. ಪ್ರತಿವರ್ಷ ಸುಮಾರು ಐದು ದಶಲಕ್ಷ ಭಾರತೀಯರು, ಸಿಂಗಾಪುರಕ್ಕೆ ಮತ್ತು ಸಿಂಗಾಪುರ ಮೂಲಕ ಪ್ರವಾಸ ಮಾಡುವುದರಿಂದ ಇದು ಬಹುಕೋಟಿ ಡಾಲರ್‌ ವಹಿವಾಟಿಗೆ ಕಾರಣವಾಗುತ್ತದೆ ಎಂದು ಉದ್ಯಮ ವೀಕ್ಷಕರು ಅಭಿಪ್ರಾಯಪಟ್ಟಿದ್ದಾರೆ.  ನಂತರ ಮಾತನಾಡಿದ ಮೋದಿ ಅವರು, ''ಭಾರತ ಮತ್ತು ಸಿಂಗಾಪುರ ನಡುವಿನ ಸ್ನೇಹಮಯ ಸಂಬಂಧ ವಿಶ್ವಕ್ಕೆ ಮಾದರಿಯಾಗಿದೆ. ಸಿಂಗಾಪುರದಲ್ಲಿ ತಮಿಳಿಗೆ ಅಧಿಕೃತ ಭಾಷೆಯ ಮಾನ್ಯತೆ ನೀಡಲಾಗಿದೆ. ಇಲ್ಲಿನ ಶಾಲೆಗಳಲ್ಲಿ ಐದು ಭಾರತೀಯ ಭಾಷೆಗಳನ್ನು ಕಲಿಯುವ ಅವಕಾಶ ಒದಗಿಸಲಾಗಿದೆ. ಭಾರತದ ಎಲ್ಲ ಹಬ್ಬಗಳ ಆಚರಣೆಗಳನ್ನು ನೋಡಲು ಸಿಂಗ...
Read more

ಜೈ ಶೇಗುಣಸಿ ಸುದ್ದಿ ಸಂಪದ... ದಿ: 02-12-18

ಜೈ ಶೇಗುಣಸಿ ಸುದ್ದಿ ಸಂಪದ... ದಿ: 02-12-18 ** ಅಂಬಿ ಅಮರ: ಅಭಿಮಾನಿಗಳಿಗೆ ಧನ್ಯವಾದ ತಿಳಿಸಿದ ಸುಮಲತಾ ಅಂಬರೀಶ್ ** ಮೇಕೆದಾಟು ಯೋಜನೆ: ರಾಜ್ಯ ಸರ್ಕಾರದ ವಿರುದ್ಧ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿದ ತಮಿಳುನಾಡು ** ವಿಷ್ಣುವರ್ಧನ್‌ ಬಗ್ಗೆ ಸಿಎಂ ನಿರ್ಲಕ್ಷ್ಯ ತೋರಿಸುತ್ತಿದ್ದಾರೆ ಎನಿಸುತ್ತಿದೆ: ಅನಿರುದ್ಧ್‌ ** ಇನ್ನು ಮುಂದೆ ಡಬ್ಬಿಂಗ್​ ಹೋರಾಟಕ್ಕೂ, ನನಗೂ ಸಂಬಂಧವಿಲ್ಲ: ನಟ ಜಗ್ಗೇಶ್ ** ಆರೋಗ್ಯ ತಪಾಸಣೆಗೆ ಬಿಜಿಎಸ್ ಆಸ್ಪತ್ರೆಗೆ ಆಗಮಿಸಿದ ಸಿದ್ಧಗಂಗಾ ಶ್ರೀ ** ಹಂಪಿ ಉತ್ಸವಕ್ಕಾಗಿ ಜೋಳಿಗೆ ಹಿಡಿದು ಭಿಕ್ಷಾಟನೆ ಎತ್ತಿದ  ಮಳಿಯೋಗೀಶ್ವರ ಸ್ವಾಮೀಜಿ ** ರಾಹುಲ್​ ಗಾಂಧಿ ಹಗಲು ಕನಸು ಕಾಣುತ್ತಿದ್ದಾರೆ: ಅಮಿತ್​ ಷಾ ** ಸರ್ಜಿಕಲ್‌ ಸ್ಟ್ರೈಕ್‌ನ್ನು ಮೋದಿ ರಾಜಕೀಯ ಸರಕನ್ನಾಗಿ ಬಳಸಿಕೊಳ್ಳುತ್ತಿದ್ದಾರೆ: ರಾಹುಲ್‌ ಗಾಂಧಿ ** ರಾಹುಲ್ ಆದೇಶದಿಂದಲ್ಲ, ಇಮ್ರಾನ್ ಆಹ್ವಾನದ ಮೇರೆಗೆ ಪಾಕ್'ಗೆ ಹೋಗಿದ್ದೆ: ಯೂಟರ್ನ್ ಹೊಡೆದ ಸಿಧು ** ಜಿ20 ಶೃಂಗಸಭೆ: ದೇಶಭ್ರಷ್ಠ ಆರ್ಥಿಕ ಅಪರಾಧಿಗಳನ್ನು ಮಟ್ಟಹಾಕಲು 9 ಅಂಶಗಳ ಕಾರ್ಯಸೂಚಿಯನ್ನು ಮುಂದಿಟ್ಟ ಭಾರತ ** ರಾಹುಲ್​ ಗಾಂಧಿಗೆ ಬುದ್ಧಿ ಇಲ್ಲ, ಅವರು ಜೋಕರ್​ ತರಹ ಮಾತನಾಡುತ್ತಾರೆ: ಕೆ.ಚಂದ್ರಶೇಖರ್​ ರಾವ್​ ** ನವೆಂಬರ್​ನಲ್ಲಿ 97 ಸಾವಿರ ಕೋಟಿ ರೂ. ಜಿಎಸ್​ಟಿ ಸಂಗ್ರಹ: ತೆರಿಗೆ ಪಾವತಿ ಇಳಿಮುಖ ** ಭಾರತಕ್ಕೆ ಹಿಂದಿರುಗಲು ನನಗೆ ಭಯವಾಗುತ್ತಿದೆ: ನೀರವ್​ ಮೋದಿ *...
Read more